Присуство на амфетамин и кокаин во крвта на Матеј Периш, потврдија токсиколошките анализи

Токсиколошките анализи покажаа присуство на амфетамин и кокаин во крвта и органите со присуство на етил алкохол кај Матеј Периш, момчето од Сплит кое исчезна во Белград, и по кое долго се трагаше.

Анализата ја потврдиле тројца лекари специјалисти по судска медицина.

Јавното обвинителство во Белград потврди дека Матеј Периш дефинитивно се удавил ноќта меѓу 30 и 31 декември 2021 година. Тој починал од ненасилна смрт, а телото во месец мај го извадија од реката Дунав. Телото на Периш беше пронајдено на 8 километри од место каде е виден последен пат.