Приведени 10 возачи, седум возеле без дозвола, двајца со активна забрана и еден под дејство на алкохол

Во текот на изминатото деноноќие на целата територија на државата, полициските службеници лишија од слобода 10 возачи за безобѕирно управување возило, од кои седум возеле без дозвола, двајца со активна забрана и еден под дејство на алкохол. 

Двајца возачи во Куманово и по еден во Скопје, Тетово, Крива Паланка, Кочани и Валандово управувале возило без возачка дозвола. По еден возач во Охрид и Дебар управувале возило со активна забрана, додека еден возач во Скопје управувал возило под дејство на алкохол. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.