ОН: Протокот на стоки низ Ормуската Теснина речиси целосно запрен

Бродскиот сообраќај низ Ормуската Теснина од февруари практично е целосно во прекин, соопштија синоќа Обединетите нации.

Последните податоци на Агенцијата на ОН за трговија и развој (UNCTAD) што ги следи цените на бродскиот транспорт, храната и енергијата, како и финансиските пазари поврзани со тековните ограничувања во поморскиот транспорт, покажуваат дека бројот преминувања на бродови низ Ормуската Теснина од 28 февруари е намален за 95,3 проценти.

Стефан Дужарик, портпаролот на генералниот секретар на ОН Антонио Гутереш, рече дека од тогаш цените на прехранбените производи пораснале за шест, а цената на сировата нафта за Европа за 53 проценти.

На нападите на САД и Израел врз Иран на 28 февруари Техеран одговори со блокада на транспортот низ Ормуската Теснина.

Блокадата предизвика големи нарушувања во глобалната трговија, нагло зголемување на цените на енергенсите и воведување итни мерки за спречување недостиг на гориво. Повторното отворање на Теснината било едно од главните спорни прашања во преговорите за завршување на конфликтот.