Речиси четвртина од децата на возраст од 10 и 11 години во Англија се со зголемена телесна тежина
Речиси секое четврто дете на возраст од 10 и 11 години во Англија е со зголемена телесна тежина, покажува најголемата студија за овој проблем, што укажува на „длабокото и алармантно“ долгорочно, негативно влијание на пандемијата со коронавирус.
Во текот на првата година од изолацијата, стапката на дебелина се зголемила за 45 отсто кај децата на возраст од четири до пет години и за 21 отсто кај децата на возраст од 10 до 11 години, открива анализа која опфатила повеќе од еден милион деца, пишува лондонски „Гардијан“.
Преваленцата на дебелината меѓу децата од предучилишна возраст оттогаш во голема мерkа се врати на очекуваните, иако и натаму загрижувачки, нивоа, но процентот на деца кои го напуштаат основното училиште со прекумерна телесна тежина, дебелина или тешка дебелина останува многу поголем отколку пред пандемијата.
Експертите велат дека ова е веројатно поради тоа што помалите деца се вратиле на поздрав начин на живот, но многу постари деца развиле лоши навики во исхраната, недоволно вежбале и поминувале долго време пред екранот.
Зголемувањето на бројот на деца кои се на пат да имаат зголемена телесна тежина или имаат зголемена телесна тежина од почетокот на пандемијата значи дека уште најмалку 56.000 деца ќе пораснат со зголемен ризик од дијабетес тип 2, рак и други сериозни болести, предупредуваат истражувачите од Националната Институт за истражување на здравјето и негата во Саутемптон при Биомедицинскиот истражувачки центар на Универзитетот во тој град.
Ново на Сител
-
Бунт во затвор во Еквадор, 14 загинати и 14 повредени
-
Путин: Русија ќе се придржува до Нов СТАРТ уште една година по истекот на Договорот
-
Русија негира упади на нејзини воени авиони во воздушниот простор на држави членки на НАТО
-
Учениците во Трубарево се враќаат на настава со физичко присуство
-
Јаневска: Учебниците што им недостигаат училиштата ќе може да ги најдат во ПДФ-формати на веб-страницата на Педагошката служба
-
Тепачка меѓу две групи во Неготино откако девојка пријавила дека била физички нападната во угостителски објект
-
Малолетник на електричен тротинет украл чанта од девојка додека седела во угостителски објект во Центар
-
Тешко повреден 18-годишник на мопед во Охрид откако автомобил удрил во него