Руските специјални сили пробија гасовод во обид да ги изненадат украинските сили

Руските специјални сили пробија голем гасовод неколку километри до градот Суџа, во обид да ги изненадат украинските сили како дел од големата офанзива за потиснување на украинската армија од западниот дел на руската област Курск, објавија денеска руски воени блогери.

Јури Подољак, проруски воен блогер по потекло од Украина, објави дека припадниците на специјалните сили на руската армија се пробиле неколку километри во голем гасовод и дека некои од нив поминале неколку дена во цевките за да ги изненадат украинските сили во близина на Суџа.

Во Суџа има голема станица за пренос и мерење на гас, која претходно се користеше за испорака на руски гас во Европа преку транзитната рута преку Украина.

Во дневниот извештај за ситуацијата во Курск, руското Министерство за одбрана соопшти дека руските сили повторно го освоиле селото Лебедевка и ја освоиле населбата Новенке преку границата во соседниот украински регион Суми.