САД престанаа да испорачуваат дел од противвоздушното оружје во Украина

Забавувањето на дел од испораката на оружје што ѝ го вети администрацијата на поранешниот американски претседател Џо Бајден на Украина се случи во последните денови, велат изворите, додавајќи дека меѓу доцнењето на испораките имало пресретнувачи за воздушна одбрана наменети за соборување на руски беспилотни летала и ракети.

Пентагон изјави дека му дава можност на претседателот Доналд Трамп да продолжи со воената помош за Украина во согласност со целта за завршување на војната во таа земја.

-Истовремено, Министерството темелно го разгледува и прилагодува својот пристап кон постигнување на оваа цел, додека ја одржува подготвеноста на американските сили во согласност со одбранбените приоритети на администрацијата, рече Елбриџ Колби, заменик-секретар за политика во Министерството за одбрана.

Русија, која веќе контролира околу една петтина од Украина, продолжува постепено да напредува, освојувајќи нова територија во последните недели во југоисточните региони Донецк и Дњепропетровск и засилувајќи ги воздушните напади низ целата земја.

Сите испораки на оружје за Украина беа накратко прекинати во февруари, а потоа повторно за подолг период во текот на март. Потоа администрацијата на Трамп продолжи со испорака на последните пакети помош одобрени под Бајден.

Новата политика сè уште не е официјално објавена.

Порталот „Политико“ беше првиот медиуми што вчера објави за овој прекин во испораките на оружје и муниција за Украина.