Секој десетти тинејџер во Македонија пие седативи на своја рака

Диазепам за љубовни проблеми или за опуштање пред тест...  Секој десетти тинејџер во Македонија пие седативи на своја рака. Повеќе лекови за смирување користат девојчињата, покажува последното истражување на Институтот за јавно здравје. Според експертите по социјална медицина загрижувачка е употребата на седативите кај младите во земјава.

-Бро­јот на мла­ди на 16-го­диш­на во­зраст што ко­ри­сте­ле се­да­ти­ви кои не се пропишани од лекар из­не­су­ва око­лу 11 про­цен­ти. Тоа е ви­сок про­цент. Прет­ход­но­то истра­жу­ва­ње по­ка­жу­ва­ше де­ка 10 про­цен­ти од мла­ди­те на 16 го­ди­ни ко­ри­стат се­да­ти­ви. Европ­ски­от про­сек е шест про­цен­ти. На повеќето вакви апчиња им давале родителите најчесто поради намалување на стрес пред тестирање или заради жуболни проблеми,  ве­ли д-р Сил­ва­на Он­че­ва, спе­ци­ја­лист по со­ци­јал­на ме­ди­ци­на во Ин­сти­ту­тот за јав­но здрав­је.

Во истражувањето било опфатено и пушењето, пиењето и  дрогата меѓу средношколците од 1 и 2 година. Употребата на цигари меѓу младите намалена е во последните 10 години, но загрижува фактот дека  пушењето им е честа навика на голем број тинејџери

-За­гри­жу­вач­ки е тоа што 24 проценти пу­ше­ле ци­га­ри во те­кот на пос­лед­ни­от ме­сец, а има­ме и по­пу­ла­ци­ја од два про­цен­ти што пу­ши по­ве­ќе од ед­на ку­ти­ја ци­га­ри днев­но, додава д-р Ончева.

Вакво истражување се спроведува на секои 4 години. Биле анкетирани 2430 млади на 15 и 16 годишна возраст од 82 училишта од цела Македонија.