Семејството ја пријавило за исчезната, познат идентитетот на пронајдената жена во Вардар

Тело на жена било извлечено од водите на реката Вардар во Скопје, информираат од Министерството за внатрешни работи.

На 11 март 2026 година околу 11:00 часот, полициски службеници од СВР Скопје го извадиле телото од реката, по што лекар од Итна медицинска помош констатирал смрт.

По насоки на јавен обвинител, телото било предадено на обдукција.

Подоцна било утврдено дека станува збор за 50-годишната А.Х.И. од Скопје. Во меѓувреме, член од нејзиното семејство пријавил дека жената утрото по 08:00 часот излегла од дома и не се вратила.

Извршен е увид, а надлежните институции работат на расчистување на случајот.