Северна Кореја ги отфрла обвинувањата на САД за хакирање на „Бајнанс“

Северна Кореја соопшти дека тврдењата на САД дека стои зад хакирањето на платформата Бајнанс (Binance) се „апсурдна реторика“ и тоа не е ништо ново.

ФБИ во саботата соопшти дека Северна Кореја е одговорна за хакерски напад во кој беа украдени дигитални средства во вредност од 6,3 милијарди долари од берзата за криптовалути Бајнанс.

„ФБИ се обидува да ја етикетира Северна Кореја како „кибер криминална држава“, тврдејќи дека има информации дека хакерска организација поддржана од Себерна Кореја е вклучена во инцидентот“, рече Ким Јо Џонг, јавија севернокорејските медиуми.
„Тие тврдења се апсурдна реторика и ништо ново“, додаде Ким, влијателната сестра на севернокорејскиот лидер Ким Џонг Ун.

„Тоа е едноставна политичка провокација против Северна Кореја, со која САД сакаат да го доведат меѓународното јавно мислење до погрешен заклучок дека целиот кибер криминал во различни делови од светот потекнува од нас“, истакна Ким.

ФБИ во саботата соопшти дека севернокорејските хакери кои припаѓаат на групата TraderTraitor се одговорни за нападот. 

МИА