Синер: Сервирав навистина добро и тоа ми помогна во мечот со Ѓоковиќ

Најдобриот светски тенисер Јаник Синер ќе го брани трофејот на Вимблдон откако вчера во полуфиналето го совлада седумкратниот победник на овој турнир Новак Ѓоковиќ со 3-0 во сетови (6:4, 6:4 и 6:4). Негов ривал во финалето ќе му биде актуелниот освојувач на Ролан Гарос, Александар Зверев.

–  Секогаш против Новак (Ѓоковиќ) имам тешки мечеви. На Австралија опен направив неколку адаптирања. Тој имаше тежок меч во четвртфиналето против Феликс. Сервирав навистина добро и тоа ми помогна во мечот, а бев и агресивен од основната линија. Задоволен сум од настапот, изјави Синер.

Финалето на Вимблдон Синер – Зверев се игра во недела со почеток во 17 часот. 

МИА