„Сите ќе ве разнесам“ - 10 годишно момче оставило порака пред Собранието во Подгорица

Десетгодишно момче оставило белешка пред зградата на Собранието во Подгорица на која напишал „Сите ќе ве разнесам“.

Наводно, момчето ја напишало и оставило пораката ден пред да се одржи состанокот на Општинскиот комитет на Демократската партија на социјалистите во таа зграда, но обезбедувањето го нашло дури тој ден, дознава Вијести.

Според информациите на „Вијести“, момчето ја напишало пораката и ја оставило додека го чекало својот татко, кој влегол во зградата, да си ги заврши обврските.

Зградата била евакуирана, додека во една од просториите се одржал состанок на кој присуствувал и претседателот на Црна Гора, Мило Ѓукановиќ.