Слоновите во САД не се луѓе, пресуди највисокиот суд во Колорадо

Врховниот суд на американската сојузна држава Колорадо вчера пресуди дека пет слона од Зоолошката градина на Шајен не се луѓе и според тоа, го немаат човековото право да бидат ослободени од установата.
Како што пренесе ДПА, Судот утврди дека слоновите Миси, Кимба, Лаки, Лулу и Џамбо - како „нечовечки животни“, во САД немаат право на „Хабеас корпус“ (habeas corpus) - правен концепт што им дозволува на луѓето да тврдат незаконско притворање на суд и да бараат ослободување. „'Хабеас корпус' не се однесува на нечовечки животни ('non-human animals'), без разлика колку тие се умствено, психолошки или социјално софистицирани“, се наведува во судската одлука.
Здружението „Проект за нечовекови права“, коешто го покрена случајот, тврдеше дека мислењето на Судот „овековечува јасна неправда“. Тие сметаат дека слоновите, родени во дивината на Африка, имаат право на слобода бидејќи се „самостојни и извонредно когнитивно и социјално сложени“ суштества.
„Затоа, животните мора да бидат пуштени во акредитирано засолниште за слонови во САД. Како и со другите движења за социјална правда, се очекуваат рани загуби бидејќи го предизвикуваме вкоренетиот 'статус кво' што им овозможи на Миси, Кимба, Лаки, Лулу и Џамбо да бидат препуштени на ментално и физичко животно страдање“, се вели во соопштението на активистите.
Зоолошката градина ги отфрли сите предлози и наводи, како и дека слоновите „добиваат нешто помалку од извонредна грижа“, се додава во судската одлука.
Ново на Сител
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
