Снег во Србија и Црна Гора
Од утрово на Копаоник паѓа слаб снег, а според податоците од Републичкиот хидрометеоролошки завод, температурата на планината во седум часот изнесувала нула степени.
Снег има и во Сјеница, додека на Златибор утрово била измерена температура од два степена, а на Црн Врв три.
Планинскиот превој Јабука, кој се наоѓа на висина од 1.250 метри, утрово беше покриен со снег.
„Овој снег не очекувавме, а уште повеќе ни беше изненадување што сè се побелеше како во зимските месеци. Снежинките паѓаат големи, како среде зима“, изјави жител на Јабука.
Поради ниските температури и снегот што паѓа од раните утрински часови во ова гранично село, возачите кои минуваат преку овој планински превој се советуваат да бидат внимателни, особено поради ризикот од мраз.
На другите места во Србија температурите се под 10 степени, освен во Заечар, Неготин и Димитровград каде што се измерени 11 степени.
Во мај снег паѓаше и во Жабљак, има снежна покривка и во Мојковац, додека во останатите делови на Црна Гора времето е значително постудено со врнежи од дожд.
Ново на Сител
-
Целосно нормализиран сообраќајот на ГП Блаце
-
Сончево и многу топло, температура до 41 степен, од утре освежување
-
Продолжува амандманската расправа за ребаланост на Буџетот
-
До седум часот утрово активни седум пожари, велат од ЦУК | ВИДЕО
-
МЗ: Пожар во кругот на болницата во Битола, нема штета и повредени
-
Трамп го пролонгира стапувањето во сила на реципрочните царини до 1 август
-
57-годишен скопјанец бил фатен како подметнува пожар во Ѓорче Петров
-
Европратениците ќе дебатираат по Предлог-извештајот на Вајц за земјава