Со електронски алки за следење ќе се намалува бројот на затвореници

Со ставање во функција на електронските алки за следење, Управата за извршување санкции ќе го намалува бројот на затвореници. Според анализите досега 60 затвореници ги исполнуваат условите, а предност имаат стари и изнемоштени лица, бремени жени или мајки со мали дечиња или на тешко болни и лица со инвалидитет.

Директорот Пандов кој прв ја тестираше алката вели дека постојат два начини за добивање – самите затвореници преку нивните адвокати или иницијативата да биде на затворите..

За министерот за правда Филков, електронските алки не се само технолошки уреди туку и алатка за реформа која ќе допринесе за намалување на пренатрупаноста во казнено-поправните установи, подобра ресоцијализација и поголема безбедност за граѓаните.

Според надлежните,  ако сега еден затвореник ја чини државата 2000 денари дневно, со користење на електронските алки значитено ќе се заштеди од државниот буџет.

Алките, кои се поставуваат на ногата, се поврзани со ГПС систем и со централен софтвер за 24-часовен мониторинг. Преку нив се следи движењето на осудениците, со прецизни граници за движење, а секое отстапување автоматски ќе биде евидентирано и сигнализирано.

Повеќе од една деценија, околу 400 вакви уреди поради административни и технички пречки чекаат да бидат ставени во функција.