СП 2026: Англија избори четвртфинале со триумфот над Мексико

Репрезентацијата на Англија успеа да се пласира во четврфтиналето на Мундијалот откако ноќеска го совлада Мексико, еден од домаќините со 3:2. На тој начин Англичаните се изборија за европско четвртфинале против Норвешка.

Англија поведе со 2:0 со двата „брзи“ гола на Џуд Белингем, кој погоди во 36.минута и во 38.минута. Сепак неизвесноста ја врати Жулиан Куинонеш со голот во 42.минута кога намали на 1:2.

Од 54.минута Англичаните играа со играч помлаку откако Џарел Кванса доби црвен картон, но капитенот Хари Кејн реализираше пенал во 60.минута за предност од 3:1. Пенал имаше и за Мексико, а стрелец беше Раул Хименез во 69.минута. До крајот на дуелот немаше промена на резултатот.

Четвртфиналето против Норвешка, Англија ќе го игра на 11.јули во Мајами со почеток во 23 часот по македонско време.

МИА