СП 2026: Почнува разврската за титулата, Франција за петто или Шпанија за второ мундијалско финале

Разврската за титулата на Светското фудбалско првенство почнува вечерва во 21 часот по средноевропско време во Далас кога во првата од двете полуфинални пресметки ќе се соочат Франција и Шпанија.

Актуелниот светски вицешампион Франција и европскиот првак Шпанија досега имаат одиграно само еден меѓусебен натпревар во историјата на мундијалските турнири кога во осминафиналето во 2006 година, Франција победи со 3-1.

Франција има две светски титули, а вечерва ќе се обиде да дојде до своето петто мундијалско финале.

Французите ја освојуваа светската титула во 1998, победувајќи го Бразил со 2-0 и во 2018 година кога ја совладаа Хрватска со 4-2.

Шпанија, пак, ја освои светската титула во своето досега единствено мундијалско финале во 2010 гофина кога ја совлада Холандија со 1-0 по продолженија.

Вториот патник во финалето ќе биде познат утревечер кога во истиот термин во Атланта ќе се соочат бранителот на титулата Аргентина и Англија.

Финалето ќе се одигра в недела на стадионот „МетЛајф“ во Њу Џерси со почеток во 21 часот по средноевропско време.

МИА