Спектакуларен пречек на српските медалисти во Белград | ВИДЕО

Повеќе од 70 илјади фанови подготвија пречек за сеќавање на српските медалисти од Париз пред познатиот балкон на градското собрание во Белград.

Нереални слики од Белград ја обиколија цела планета и многу познати светски медиуми објавија за спектакуларниот пречек на српските спортисти.

Видеа од главниот град на Србија и одличен текст за незаборавната прослава објави и угледната шпанска „Марка“.

Во написот со наслов: „Лудило во Белград: 70.000 луѓе навиваат за освојувачите на медали за Србија со Ѓоковиќ и Јокиќ на чело“, угледниот весник ги пренесува своите впечатоци за добредојде на српските спортисти.