Стефан Михајловски со злато во Италија – Македонија со четири златни медали

Македонскиот кикбоксер Стефан Михајловски освои златен медал на турнирот во Италија во дисциплината кик лајт (+94 кг) во сениорска конкуренција, со што донесе уште едно злато за македонската репрезентација.

Михајловски до титулата стигна со три убедливи победи. Во четвртфиналето го совлада Италијанецот Франческо Криваро со 3:0, во полуфиналето беше подобар од Кристофер Марчев од Бугарија со 3:0, а во финалето триумфираше против Јанислав Ангелов од Бугарија со 3:0, при што борбата заврши со прекин.

Со овој успех Михајловски уште еднаш го потврди својот квалитет, имајќи предвид дека минатата година освои сребрен медал на Светското првенство во Абу Даби, а со настапот во Италија најавува уште еден силен резултат и на претстојното Европско првенство на ВАКО.

Македонските кикбоксери турнирот го завршија со вкупно осум медали – четири златни, еден сребрен и три бронзени.

Златни медали освоија:

• Силвио Мировски
• Петре Велков
• Калин Бабоски
• Стефан Михајловски
• Сребрен медал:
• Андреј Смилевски
• Бронзени медали:
• Мирко Василев
• Радослав Велески
• Давид Атанасовски.