Трагедија во Србија: Загина поранешна тенисерка во тешка сообраќајка

Поранешната српска тенисерка Татјана Јечменица на 47 години го загуби животот во сообраќајна несреќа што се случила на обиколницата Белград.

Трагедијата се случила на обиколница, каде автомобилот во кој се наоѓала Јечменица се движел наназад, по што во него удрил камион. 

Таа починала на самото место, додека нејзиниот сопруг се здобил со тешки повреди и бил итно пренесен на лекување. Пожарникарските екипи интервенирале веднаш по несреќата и успеале да ги извлечат сопружниците од уништеното возило.

Во својата кариера, освоила шест Челинџери и имала две победи во главните ждрепки на Гренд Слем турнирите – на Отвореното првенство на САД во 1995 година и на Ролан Гарос во 1996 година.

Јечменица во најдобрите денови од својот ранкинг во кариерата беше на 72. позиција на ВТА-листата, а по завршувањето на професионалното играње беше ангажирана и како селекторка на женската репрезентација во рамки на ФЕД Купот, каде го пренесуваше своето искуство на новите генерации