Трамп го укина пакетот санкции против Русија содржани во „Законот на Линдзи Греам“

Американскиот претседател Доналд Трамп објави дека преку извршна наредба укинува низа санкции, ограничувања и царини насочени против Русија. Овие мерки беа дел од „Законот на Линдзи Греам за санкции против Русија и Иран за 2026 година“ – закон што Трамп го потпиша минатиот месец, а кој е познат едноставно како „Законот на Линдзи Греам“.

Овој потег на Трамп доаѓа само неколку дена пред мерките да стапат во сила.

Законот го носи името на републиканскиот сенатор – голем поддржувач на Украина – кој ненадејно почина во јули.

Одлуката на Трамп доаѓа и по неговите неодамнешни критики упатени кон украинскиот претседател Володимир Зеленски, вклучително и сугестијата дека е време Украина да добие нов шеф на државата.

Според „Законот на Линдзи Греам“, во рок од 30 дена требаше да се воведат царини во висина до 100 отсто за сите стоки што се увезуваат во САД од петте земји кои се најголеми купувачи на руска сурова нафта и гас.

– Го известив Конгресот на САД дека укинувањето на овие ограничувања во овој момент е во национален интерес на Соединетите Држави, наведува Трамп во извршната наредба, која беше објавена од Белата куќа.

Американскиот претседател Доналд на 9 октомври по телефонскиот разговор со рускиот претседател Владимир Путин, објави и дека привремено ги ублажува санкциите кон Русија за да овозможи увоз на руски дизел. Тој тврдеше дека тоа ќе доведе до брз пад на цените на „рекордно ниско ниво, и за Американците и за целиот свет“.

Овој потег наиде на негативни реакции во Киев и во ЕУ.

МИА