Трамп: Иран е пропадната држава која си ги убива своите граѓани

Американскиот претседател Доналд Трамп денеска изјави дека иранското раководство треба да биде изведено пред суд за злосторства против човештвото, обвинувајќи ги властите во Техеран за убиство на повеќе од 100.000 демонстранти.

„Тие мора да бидат изведени пред суд за воени злосторства против човештвото“, напиша Трамп на својата социјална мрежа „Трут соушл“.

Тој го опиша Иран како „официјално пропадната држава“, со раководство кое е во „целосен хаос“.

„Тие немаат морнарица, немаат воздухопловни сили, немаат валута“, тврди американскиот претседател.

„Мртва е“, рече тој, посочувајќи дека единствените преостанати средства на Техеран се „лажните вести“ за САД и „подготвеноста да ги убиваат своите демонстранти“, притоа повторувајќи го тврдењето дека бројот на загинатите демонстранти изнесува 100.000.

Инаку, досега нема независна потврда за наводите на американскиот претседател дека во протестите во Иран загинале 100.000 лица.

МИА