Трамп: Најголемиот трговски договор со Филипините досега, ја прошируваме одбранбената соработка

Претседателот на САД, Доналд Трамп, за време на посетата на претседателската палата Малакананг во Манила изјави дека САД и Филипините постигнале „многу голем“ трговски договор, без да даде детали и најави проширување на соработката меѓу двете земји во областа на одбраната.
„Тукушто постигнавме многу голем трговски договор, најголемиот што некогаш сме го склучиле. Тоа е фер договор за двете земји и многу сме задоволни од тоа“, рече Трамп за време на средба со филипинскиот претседател Фердинанд Маркос помладиот, јави Би-Би-Си.
Трамп изјави дека дошол во Манила за да потврди еден од најстарите и најважните американски сојузи во Пацификот, нагласувајќи дека САД стојат со филипинскиот народ и дека сојузот меѓу двете земји „никогаш не бил подобар“.
Претходно Трамп изјави дека Вашингтон ја проширува одбранбената соработка со сојузникот на САД и дека ќе соработува со Манила и на голем проект за нуклеарна енергија за мировни цели.
Трамп, кој е во државна посета на Манила пред да замине во Кина на самитот на Азиско-пацифичката економска соработка, изјави дека Вашингтон ја зголемил воената поддршка за Филипините, одобрувајќи продажба на оружје во вредност од над 5 милијарди долари.
Соработката на предложениот проект за цивилна нуклеарна енергија на Филипините би можела дополнително да ги зајакне врските меѓу двете земји, додаде американскиот претседател.
„Доколку Филипините ја усвојат американската технологија во својот прв модерен нуклеарен проект, тоа би ја нагласило силата на важниот однос“, рече Трамп.
Тој додаде дека Филипините би можеле да станат партнер и во планираниот проект за извоз на природен гас од Алјаска и посочи дека двете земји разговарале за проширување на соработката во енергетскиот сектор.
МИА
Ново на Сител
-

Ужас во Скопје: Mажи на возраст од 47 и 62 години силувале дете помало од 15 години
-

Норвешка има „Глобален државен пензиски фонд“ вреден над 2.000 милијарди долари – теоретски по 400.000 долари по жител
-

Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
-

Сајбер-безбедноста под закана: Јужна Кореја свика итен состанок поради откриени пропусти во Java
-

Крај за рампите на патарините во Македонија? Се подготвува електронска наплата според поминатите километри
-

„Сите ќе умреме уште вечерва“ – Цанов објави пораки од Ива Михаилова и мајка ѝ во кои го молат да ги избрише снимките
-

Во Македонија има поголем удел на странски студенти отколку во ЕУ, секој десетти студент е странец
-

Димоглиду за иранската мрежа: Главниот товар на истрагата го имаа безбедносните служби на Северна Македонија
