Трамп верува дека Џеј Ди Венс ќе биде негов наследник
Американскиот претседател Доналд Трамп вчера јавно посочи за прв пат дека потпретседателот Џеј Ди Венс е „најверојатно“ идниот наследник на движењето МАГА и можен републикански претседателски кандидат во 2028 година.
-Тој веројатно би бил фаворит во моментов, рече Трамп, додавајќи дека Венс би можел да се здружи со државниот секретар Марко Рубио.
Министерката за внатрешна безбедност Кристи Ноем и државниот обвинител Пам Бонди, кои исто така имаат високи политички амбиции, се појавија на истиот настан.
Рубио минатиот месец рече дека Венс „одлично ја врши работата како потпретседател“ и додаде дека тој би бил „одличен кандидат“. Тој не ја исклучи сопствената кандидатура: „Никогаш не знаете што носи иднината“.
И покрај тоа што се ривали за потпретседателската функција, Венс и Рубио развија близок сојуз. Венс за Си-Ен-Ен изјави: „Марко е неверојатно способен и доверлив и еден од моите најблиски пријатели во администрацијата“.
Венс, поранешен маринец и сенатор од Охајо, одигра клучна улога во втората администрација на Трамп, особено во надворешната политика. Рубио, поранешен сенатор од Флорида, стана првата личност по Хенри Кисинџер што служеше и како државен секретар и како советник за национална безбедност.
МИА
Ново на Сител
-
Возач од Швајцарија приведен во Тетово, возел скоро двојно побрзо од дозволеното
-
Иран погуби човек осуден за шпионажа во корист на Израел
-
Двајца убиени, 10 повредени во руски напади во Запорожје
-
Илиевски: Функционираме како тим, очекувам да бидеме подобри во нападот
-
Кокаин запленет од дом на 20-годишен скопјанец | ФОТО
-
Зголемен број пациенти со убоди од инсекти во Куманово
-
Путин го прими специјалниот прaтеник на САД, Виткоф, јавија руските медиуми
-
Зеленски го повика Вашингтон да го зголеми притисокот врз Русија за време на посетата на Виткоф на Москва