Транспарентност и враќање на довербата - фокус на кандидатите за државен јавен обвинител

Тројца кандидати, една цел. Враќање на довервбата и зголемување на транспарентноста на Јавното обвинителство. Ова е фокусот на Раичевиќ, Коцевски и Фетаи кои сакаат да застанат на чело на државното јавно обвинителство. Во моментов, нивните кандидатури се на оценка во советот на јавни обвинители кој по божиќните празници ќе треба да ја информира владата кои од пријавените имаат добиено позитивно мислење.

Љупчо Коцевски моментално е обвинител во републичкото, а за Сител вели дека ако стане шеф на ова обвинителство, ќе работи на зголеување на неговата ефиксност и отчетност.

„Мои приоритети ќе се зголемување на транспарентноста, ефикасноста и ефективнота во работењето, како и промовирање и стимулирање на култура на интегритет, како примарни одговори на корпуцијата. Верувам дека ваквиот пристап неминовно ќе доведе до подобрување на довербата на јавноста во Обвинителството“, вели за Сител, Љупчо Коцевски.

Отвореност на институцијата предвидува и Раичевиќ, која моментално е дел од скопското обвинителство.

„Сметам дека оваа функција треба да биде многу пооперативна, многу поекспонирана во своите манифестации на дејствија кои се бројни, а преку ваков вид на изјави, јавноста  не знае. Се залагам преку моите менторски активности да индивидуата Јавен обвинител биде една препознатлива личност во иднина, не по настапи кои се атипични, туку по серизност, одговорност, правда која ќе ја претстави на граѓаните“, вели Лидија Раичевиќ, Јавен обвинител.

За транспарентнот се залага и Фетаи. Смета дека законите треба да важат подеднакво за сите. Вели дека фунцијата републички обвинител е една од клучните за членството во ЕУ и придружување на земјите во кои владее правото.

„Како личност која и досега била транспраентна преку вас медиумите, јавноста преку вас медиумите ќе биде запознаена за планираните активности кои би довеле до она кон што сите се стремиеме, а тоа е секој граѓанин да биде во можност да ги остварува своите права во законита, правична и во законски рок спроведена постапка“, вели Фатиме Фетаи, Јавен обвинител.

До новиот избор на републички обвинител, оваа функција ќе ја извршува Соња Симовска која утре ќе го замени Јовески по истек на неговиот шестгодишен мандат.