Уапсен скопјанец, при претрес пронајден кокаин подготвен за продажба

Вчера (13.03.2026) околу 21:00 часот, на подрачјето на Скопје, полициски службеници од Единицата за недозволена трговија при СВР Скопје го лишиле од слобода Т.Б.(43) од Скопје.

По претходно добиени оперативни сознанија, постапено е по наредба за претрес во неговиот дом на подрачјето на општина Аеродром, при што биле пронајдени две тегли со кокаин и дигитална вага, како и дел од наркотичната дрога спакувана во мали паковки подготвени за малопродажба.

Лицето е лишено од слобода и по целосно документирање на случајот против него ќе биде поднесена кривична пријава по член 215 од Кривичниот законик – „Неовластено производство и пуштање во промет на наркотични дроги, психотропни супстанции и прекурсори“.