Успешна кикбокс завршница на ВАКО светскиот кикбокс куп “Италија 2025”

Македонските кикбоксери се враќаат со 3 медали од ВАКО светскиот кикбокс куп “Италија 2025” кој се одржа од 03-09.03.2025 година во Лидо Дијесоло, Италија.

Марија Димовска LK OJ F - 60kg - златен медал
Данило Методиевски LK OJ M- 71 - сребрен медал
Андреа Ѓеорѓиевска - LK OJ F - 60kg - бронзен медал
Давид Атанасовски - KL OC M - 57kg - 5то место
Максим Митровски -LK S M - 75kg - 9то место

,,Сите 5 натпреварувачи покажаа извонредни борби, но сепак на вакви огромни спортски купови понекогаш е важна среќата, но некогаш одлучувачка е и судиската одлука која неретко е погрешна и пристрасна. Сепак, ова е огромно спортско искуство за нашите натпреварувачи и во нашата меморија овој куп ќе го паметиме како позитивно и успешно искуство. Немаме повреди, имаме медали, а тренерите Атанасовски, Димовски и Крстевски заедно со мене сме поискусни за уште еден светски куп со преку 2500 натпреварувачи од целиот свет. Годинава имаме уште многу купови и првенства за докажување и берба на медали, па затоа продолжувуме и понатаму со силни тренинзи” - изјави Дејан Митровски - Урко, претседател на КМФМ.