Утрово најладно во Берово, најтопло во Гевгелија

Утрово најстудено било во Берово, каде во 7 часот се измерени 0 степени, а најтопло во Гевгелија каде се измерени 15 степени, соопштија од Управата за хидрометеоролошки работи.

Од УХМР информираат и дека 2 степени Целзиусови се измерени во Крива Паланка, 3 во Лазарополе, 4 во Mаврови Анови и Попова Шапка, 5 во Битола, 6 во Скопје-Петровец, Тетово, Демир Капија и Kрушево, 7 во Штип и Струмица, 8 во Охрид, Претор, Куманово, Виница во Кавадарци, 9 во Скопје-Зајчев Рид, и Прилеп, како и 11 степени Целзиусови во Велес.

Времето денеска ќе биде сончево со мала до умерена локална облачност. Попладне во крајните југозападни региони ќе има услови за слаб дожд и појава на ретки грмежи. Ќе дува слаб до умерен ветер од северен правец.

Максималната температура ќе биде во интервал од 20 до 26 степени.

Во Скопје ќе биде сончево со мала облачност. Ќе дува слаб до умерен ветер претежно од северен правец. Максималната температура ќе достигне до 25 степени. 

МИА