Ужас во Белград: Пијан 24-годишник помина на црвено и усмрти тричлено семејство мeѓу кои и 9-годишно детe | ВИДЕО

24-годишниот Н. Ѓ. од БиХ, вчера, еден час по полноќ, со голема брзина удрил во друго возило со своето „ауди“ во Нов Белград, при што на самото место загинало тричлено семејство, кое се наоѓало во автомобилот „хјундаи“. Нивото на алкохол во крвта на возачот било измерено на 1,17 промил, а бил позитивен и на канабис. Тој денес ќе биде сослушан во Вишото јавно обвинителство во Белград, пренесува српски „Телеграф“.

Во стравотната сообраќајна несреќа животот го изгубија сообраќајниот полицаец Б. Ж. (43), неговата сопруга Д. К. (38) и нивниот деветгодишен син М. Ж. Совозачот од „аудито“, Ј. П. од БиХ, кој исто така бил под дејство на алкохол, со ниво во крвта од 1 промил, е во тешка состојба на Ургентниот центар. Лекарите му дијагностицирале тешки повреди опасни за животот.

Вицепремиерот и министер за внатрешни работи Ивица Дачиќ ги потврди деталите за несреќата што се случила околу 00.50 часот на улицата Омладинска бригада.

„Возачот на ‘аудито’, Н. Ѓ. (24), државјанин на БиХ, е уапсен поради постоење основи на сомнение дека сторил кривично дело тешки дела против безбедноста во јавниот сообраќај. Утврдено е дека возел под дејство на алкохол во крвта од 1,17 промил“, рече Дачиќ.

Тој потврди дека настрадало семејството во „хјундаито“, а дека возачот ќе биде приведен до 48 часа.