Вимблдон: Финале Ѓоковиќ-Алкараз

Српскиот тенисер Новак Ѓоковиќ се пласираше во петтото последователно финале на Вимблдон, откако за два часа и 47 минути го совлада Италијанецот Јаник Синер со 3:0 (6:3, 6:4, 7:6 (7:4)). Противник во недела ќе му биде Шпанецот Алкараз кој иста така убедливо со 3-0 славеше против Данил Медведев. 

 

Во првиот гем од мечот Ѓоковиќ спаси две брејк топки, а потоа во следниот гем направи брејк и поведе со 2:0. 

Во вториот сет  судијата Ричард Хеј му одзеде поен поради силен извик при поен но Ѓоковиќ успеа да биде посилен од тоа и да поведе со 2:0.

 

Третиот сет се играше со тај-брејк во кој Ѓоковиќ подобро се снајде иако Синер водеше со 3-1 и на крајот славеше убедливо со 3-0. Во недела српскиот тенисер ќе се бори за својата 24-та грен слем титула и веќе постави рекорд со 35 финални грен слем натпревари. Доколку победи Ѓоковиќ ќе го израмни рекордот на Вимблдон со Федерер кој има осум трофеи во Лондон.