Во Сенџен почна историската средба Шји – Трамп – Путин

На маргините на Самитот на Азиско-пацифичката економска соработка (АПЕК) почна трилатералната средба помеѓу претседателите на Кина, САД и Русија, Шји Џинпин, Доналд Трамп и Владимир Путин.
Шји истакна дека трите држави мора да соработуваат во решавање на глобалните проблеми.
– Мораме да учиме од историјата. Тешките времиња покажуваат кој навистина е подготвен да преземе одговорност, наведе Шји.
Путин во воведното обраќање ја потенцираше „заедничката одговорност“ на трите земји во одржување на и зајакнување на меѓународното право.
Според него, трите држави имаат „голем број заеднички интереси во решавање на регионалните судири, вклучително, секако и судирот во Украина.
– Русија, САД и Кина можат значително да придонесат за зајакнување на мирот и стабилноста, истакна Путин..
Додека Трамп потенцираше дека со Шји и Путин „навистина испишуваат историја“.
– Ние тројцата имаме за многу работи да дебатираме, а веќе за многу тоа разговаравме како претседатели на трите најголеми земји во светот. Имаме посебна одговорност во одржувањето на дијалог, полн со почитување и насочен кон резултатите, за прашања кои не влијаат само на нашите граѓани туку и врз целата планета, наведе Трамп.
Тој упати и критики кон поранешните светски лидери дека избегнувале разговори со држави кои не се согласувале.
Ние мислиме спротивно. Стариот пристап, што се темелеше на одбивање на разговори за проблемите, никогаш не е решен ниту еден проблем, истакна Трамп.
Тој исто така ја истакна важноста на нуклеарното разоружување.
– Трите најголеми нуклеарни сили во светот, САД, Русија и Кина, се во единствена позиција да разговараат за тоа како да се намали бројот на нуклеарно оружје на земјата, изјави Трамп.
Тој нагласи дека соработката во однос на нуклеарното разоружување е важна, но призна дека е „многу тешко да се откажеме“ од нуклеарното оружје.
Трамп потврди дека ќе се разговара и за војната во Украина, додавајќи оти денеска имал „долг разговор“ со Путин на таа тема.
По обраќањето на Трамп, новинарите и снимателите просторијата, а за тројцата претседатели разговорите ќе ги продолжат зад затворени врати.
МИА
Ново на Сител
-

Норвешка има „Глобален државен пензиски фонд“ вреден над 2.000 милијарди долари – теоретски по 400.000 долари по жител
-

Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
-

Сајбер-безбедноста под закана: Јужна Кореја свика итен состанок поради откриени пропусти во Java
-

Крај за рампите на патарините во Македонија? Се подготвува електронска наплата според поминатите километри
-

„Сите ќе умреме уште вечерва“ – Цанов објави пораки од Ива Михаилова и мајка ѝ во кои го молат да ги избрише снимките
-

Во Македонија има поголем удел на странски студенти отколку во ЕУ, секој десетти студент е странец
-

Димоглиду за иранската мрежа: Главниот товар на истрагата го имаа безбедносните служби на Северна Македонија
-

Девет медали за македонските кикбоксери на Европското првенство, Федерацијата реагира на судиски неправди
