Заврши 6-годишниот мандат на Јовески

Државниот јавен обвинител Јовески го завршува шестгодишниот мандат. Со писмена изјава објавена на интернет страницата на обвинителството напиша дека со гордост и задоволство ја извршувал функцијата.. Своето последно обраќање кон јавноста како шеф на обвинителството го почнува со изјава на поранешниот американски претседател Линколн, дека треба да се верува во моќта на правото и таа верба да е поттик за вршење на должноста. Свесен е за критиките и ниската доверба, но вели сликата не била така црна како што ја прикажувале анкетите.

„Сакам да истакнам дека често поради непознавање на реалната состојба или намерно, правосудството, а со тоа и Јавното обвинителство, се цел на неосновани напади.Со такви интереси секој си правеше анкети и ги презентираше како релевантни. Се создаде атмосфера дека довербата во нашата работа е нереално многу ниска. На пример, покрај другите предмети правосудството постапува и по граѓански во кои одлуката е во корист само на едната страна.

Според Јовески, анкетите кои биле правени за обвинителството не се соодветни. Тој се повикува на истражување на Светската банка кое го смета за релевантно и ја отсликува реалната состојба. Па така како што пишува доскорешниот шегф на обвинителството, на пршањето, колку се ефикасни правосудните институции, 

„Генерално позитивна оценка дале 28% од граѓаните и 33% од бизнисмените. Запрашани за ефикасноста конкретно во нивниот предмет за оние што имале такво искуство 47% од граѓаните и 37% од бизнисмените рекле дека се задоволни“.

На својот последен работен ден, Јовески ги повика своите колеги обвинители да не дозволат да се валка нивната професија.

-Ве повикувам во секоја можност да ја демонстрирате својата истрајност и решителност во борбата против криминалот. Не дозволувајте поединци да ја извалкаат професијата во која секојдневно се вложувате, им порача Јовески.

На местото на Јовески, како вршител на должност доаѓа Соња Симовска, која фунцкијата ќе ја извршува до изборот на нов обинител. Во трката за раководното место се тројца кандидати.