Заврши уште едно успешно издание на ендуро трката во Делчево со рекорден број учесници и публика

Со прогласување на најдобрите натпреварувачи во повеќе категории, викендов во Делчево успешно заврши годинешното издание на спортско-адреналинската манифестација „Enduro Off Road Делчево 2026“. Настанот, кој веќе традиционално се одржува неколку години по ред, и оваа година собра бројни љубители на мото-спортовите, оф-роуд возењето и четирициклите од целиот регион.
Натпреварувачите ги одмерија своите сили и вештини на тешките терени во неколку дисциплини: мотокрос (во класите до и над 250 кубици, како и јуниор и лајт категорија), АТВ (четирицикли) и џипови (поделени во категории до и над 2500 кубици).
За време на свеченото затворање и доделувањето на признанијата, организаторите изразија благодарност до сите учесници, спонзори, помагатели и јавни служби, истакнувајќи дека најважно од сè е што манифестацијата помина во фер атмосфера и без ниту една повреда.
Градоначалникот на Општина Делчево, Иван Гоцевски, примајки плакета и благодарница, истакна дека овој настан е меѓу најголемите амбасадори и промотори на градот.
- Ова што го правите веќе неколку години по ред е за почит и за пример. Успеавте на крајот на годината да направите најголем настан во мото-спортовите во Македонија. Ви посакувам од следната година тука да изградиме и нова, убава мото-патека која ќе биде вашиот препознатлив белег и ќе овозможи уште посигурни и подобро организирани манифестации во иднина, порача градоначалникот Гоцевски.
Посебни аплаузи беа испратени за најмладите учесници во категоријата Мотокрос Јуниори, кои според организаторите се иднината на овој спорт во Делчево. Организаторите најавија уште поголем масовност и подготовка за следното издание во 2027 година.
МИА
Ново на Сител
-

УНФПА предупредува: Светот ризикува да ја разочара следната генерација
-

Тошковски во Дубаи ја прими наградата „Excellence in Road Safety“ за „Безбеден град“
-

Јанев за грчката државна телевизија ЕРТ: Изградивме силни и тесни врски со грчката полиција
-

Потешко до работа во Германија: Од 50.000 на 25.000 Германија ја намалува квотата за работници од Македонија и регионот
-

Во Сенџен почна историската средба Шји – Трамп – Путин
-

Италија подготвува забрана за социјални мрежи за деца под 13 години – до 16 години само со родителска контрола
-

ДЗР: Потребни се дополнителни мерки за зајакнување на ИТ безбедноста во ФЗОРСМ
-

Исламот би можел да стане најголема светска религија до 2035 година
