Зеленски го осудува недостатокот на меѓународен одговор на руските напади

Украинскиот претседател Володимир Зеленски денеска оцени дека меѓународниот одговор на руските напади е „премногу слаб“, а тие, рече, „одземаат животи на Украинци практично секој ден“.

Зеленски на каналот Телеграм ги повика сојузниците на неговата земја да ги зајакнат санкциите против Москва и во исто време да ја зголемат поддршката за Украина.

Според него, две лица се убиени, а тројца други се повредени во нападот на меѓународниот граничен премин Старокојаш помеѓу регионот Одеса и Молдавија.

Зеленски додаде дека четири лица се повредени денес во напад врз станбена зграда во Киев.

„Москва не смее да влезе во претстојната зима мислејќи дека може да ја продолжи својата терористичка стратегија со ракети и беспилотни летала без последици“, рече Зеленски, додавајќи дека „агресијата мора да се запре тука и сега, пред да се прошири понатаму“

МИА