Зеленски повторно бара членство во НАТО, според него тоа е гаранција за безбедност

Украинскиот претседател Володимир Зеленски денеска повтори дека Украина сака да се приклучи кон НАТО, нагласувајќи дека членството во алијансата претставува една од „најочигледните“ гаранции за безбедноста на земјата.
Прашањето за интеграцијата на Украина во НАТО повторно се актуелизираше последните денови во услови на тековни преговори за ставање крај на речиси петгодишната инвазија на Русија, забележуваат агенциите.
Пред неколку дена, за време на состанокот во Берлин со сојузниците на Киев, американскиот претставник Џаред Кушнер истакна дека САД можеби се подготвени да ѝ обезбедат на Украина „безбедносна гаранција слична на таа предвидена во член 5“ од Северноатлантскиот договор.
Францускиот претседател Емануел Макрон, исто така присутен во Берлин, повика на продолжување на дебатата за пристапувањето на Украина во НАТО. Елисејската палата вчера соопшти дека давањето заштита според член 5 де факто би значело вклучување на Украина во алијансата.
МИА
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
