Жителите на Брвеница во недела ќе гласаат за нов градоначалник: Во трката се шест кандидати

Брвеница во недела избира нов градоначалник. Во трка се шест кандидати, кои најавија различни проекти за подобрување на животот на граѓаните.

Стојанчо Радичевски од ВМРО-ДПМНЕ ветува инвестиции во локалните патишта, водоводната и канализациската мрежа, како и поддршка за младите и локалните бизниси. Јовица Радевски од СДСМ се залага за подобро водоснабдување, изградба на канализација, подобрување на училиштата и почиста животна средина.

И партиите од албанскиот политички блок со свои кандидати. Вреди со Јакуп Хусеини ветува поголема транспарентност во општината, локален економски развој и повеќе можности за младите. Аркин Јахији од НАИ пак најавува развој на општината, подобрување на инфраструктурата и создавање подобри услови за живот на граѓаните.

И независните кандидати Душан Богдановски и Арифе Идризи се дел од изборната трка, при што Богдановски се залага за рационално трошење на општинските средства и подобрување на комуналните услуги, а Идризи нуди бесплатни курсеви за младите, поддршка за социјално загрозените семејства и привлекување инвестиции за отворање нови работни места.

Ги прашавме и жителите на Брвеница кои проблеми сакаат да им ги реши новиот градоначалник. 

Изборите се распишани по смртта на градоначалникот Јовица Илиевски, кој почина на 23 jуни годинава, на 58-годишна возраст. 

Вечерва на полноќ започнува и изборниот молк.