Зошто насмеаните стјуардеси и стјуарди го поздравуваат секој патник на влезот?

На речиси секој аеродром, каде било во светов, кога ќе се качи во авионот, екипажот срдечно го поздравува секој патник и патничка на влезот. Зошто е тоа така?

Според познавачите, ова е еден начин да се процени „типот“ на патникот. Насмеаните стјуардеси и стјуарди, имено, ќе Ве поздрават, но не само од учтивост, туку и за да проверат, на пр., дали некој е премногу пијан или болен, пред летот, пишува „Кликс“.

При тоа „снимање“ на лицата, авионската посада умее да процени и кои патници би можеле да помогнат во итен случај. Лицето, телото, движењето, но и однесувањето, макар и првични, секогаш укажува на одредени квалитети и одлики на човекот.

На одговорните за летот им е важен секој кој се движи без проблеми, патува сам, зборува англиски или друг јазик итн. Тие всушност, се обучени да проценат кој би можел да им биде од корист во случај на потреба, или пак, кој би можел да направи проблем при летот.

Според сѐ тоа, не е за изненадување ако екипажот на кабината Ве повика во случај на несреќа, непријатност или каков било непредвиден случај на патувањето.