86-годишник и неговиот 60-годишен син се обиделе да силуваат 33-годишна жена во угостителски објект во Леуново

Двајца мажи од Гостивар, 86-годишен татко и неговиот 60-годишен син, биле лишени од слобода по пријава за физички напад и обид за сексуален напад врз 33-годишна жена од Тетово.

Според информациите од Министерството за внатрешни работи, случајот бил пријавен откако жената навела дека во угостителски објект во село Леуново, гостиварско, била физички нападната од сопственикот на објектот и неговиот татко. Таа пријавила и дека двајцата се обиделе да извршат обљуба врз неа.

Полицијата ги привела осомничените вчера околу 13:30 часот, по што биле задржани во полициска станица.

Од МВР информираат дека по целосното документирање на случајот ќе следува соодветна пријава.