Администрацијата на Трамп го критикува Си-Ен-Ен за емитување пораки од ирански лидери

Администрацијата на американскиот претседател Доналд Трамп синоќа ја критикуваше американската телевизиска мрежа Си-Ен-Ен за емитување дел од јавна изјава на новиот врховен лидер на Иран, Моџтаба Хамнеи.

Ова е втор пат во последните три дена Трамп да го нападне телевизискиот канал за неговото известување за реакцијата на иранскиот режим на нападите на САД.

Белата куќа на социјалните мрежи соопшти дека „лажната новинска мрежа Си-Ен-Ен емитуваше само четири минути без прекин од иранската државна телевизија, водена од истиот луд и убиствен режим кој се гордее со бруталното колење на Американците 47 години“.

Други медиуми само го истакнаа она што го кажа Хамнеи. Неговата закана за продолжување на нападите врз другите арапски земји во регионот и неговите планови за нарушување на глобалните испораки на нафта се најдоа на насловните страници. „Њујорк тајмс“ објави статија за говорот на својата веб-страница веднаш по неговото емитување, подоцна пишувајќи дека говорот „беше ран знак за тоа како новиот врховен лидер ќе пристапи кон војната и како ќе ја води земјата“.

Си-Ен-Ен долго време беше омилена цел на претседателот Трамп, уште од неговиот прв мандат. Ова е особено ранливо време за мрежата откако „Парамаунт Глобал“ се согласи да го купи „Ворнер Брос Дискавери“, матичната компанија на Си-Ен-Ен, што покрена прашања за нејзината идна уредничка независност.

МИА