Активни пожари на грчките острови Закинтос и Кефалонија, како и во западниот дел на земјата

Шумски пожари утрово се активни на островите Закинтос и Кефалонија, како и во близина на градот Воница во западниот дел на Грција, а од бројот 112 за итни случаи беа испратени низа пораки за евакуација на населените места што се во близина на огнените јазици, јави дописничката на МИА од Атина.
На Закинтос ситуацијата е особено тешка, евакуирани беа две села во јужниот дел на островот, а интервенираат 20 пожарникари со девет возила, два авиони и еден хеликоптер, но не е исклучена можноста противпожарните сили дополнително да се зајакнат.
Пожарот на Кефалонија избувна во текот на ноќта во југозападниот дел на островот, каде што се ангажирани 60 пожарникари со три пешадиски тима, 17 возила, четири авиони и еден хеликоптер, а помагаат и цистерни од општината.
Од бројот 112 беше испратена порака до сите оние кои се наоѓаат во три села да се евакуираат.
Порака за евакуација имаше и поради пожарот во близина на градот Воница во западниот дел на Грција, каде што за гаснење на шумскиот пожар се ангажирани 85 пожарникари со три пешадиски тима и 27 возила, а од воздух се гасне со девет авиони и еден хеликоптер.
Според прогнозите за опасност од пожари на Министерството за цивилната заштита и климатски кризи на Грција што секојдневно се објавуваат, за денеска многу висок ризик од пожари (категорија четири) има во Атика, на Халкидики, во дел од западна Грција, во голем дел од Пелопонез, на Евија, на дел од островите во северниот дел на Егејското море, како и во североисточниот дел на земјата.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
