АНБ разоткри терористичка мрежа: Се подготвувал атентат во Грција по инструкции од Иран

Криминална мрежа во Македонија, по инструкции на ирански државјанин поврзан со разузнавачките структури на Иран, подготвувала атентат врз однапред одредено лице во Грција. Ова го откри директорот на Агенцијата за национална безбедност (АНБ), Бојан Христовски, посочувајќи дека операцијата за разоткривање траела девет до десет месеци.
Според Христовски, мрежата ја предводел иранскиот државјанин Едрис Јахангири Маванех, за кого постојат индиции дека соработувал со иранските разузнавачки служби и имал контакти со наркобосот Наџи Шарифи Зинташки. Членовите на мрежата, лица од домашните криминални структури, наводно преземале логистички подготовки за планираниот напад.
Во координација со странски партнерски служби, АНБ открила дека осомничените одржувале тајни средби во трети земји, меѓу кои и во Иран, каде што ги потврдувале контактите со Маванех.
Христовски нагласи дека засега нема сознанија за подготвување терористички напади на територијата на Македонија, ниту за закани кон македонски државјани.
Директорот на Бирото за јавна безбедност, Александар Јанев, соопшти дека во акцијата се опфатени шест лица. На четири им е одреден притвор, едно е во куќен притвор, додека шестото лице сè уште е недостапно за органите на прогонот и по него се трага.
Од АНБ најавија дека заедно со домашните и странските партнерски служби продолжуваат со активностите за откривање вакви мрежи и спречување потенцијални терористички закани.
Ново на Сител
-

Вучиќ: Не можат да ме победат со аргументи, ќе се обидат да ме убијат, уапсат или лустрираат
-

Ужас на ГАК: На бебе старо два дена со ножици му отсекле дел од прст при отстранување инфузија
-

Струмичанец пријавен за измама: Зел 1.200 евра за миксета од Германија, но не ја испорачал
-

Приведени 6 возачи во текот на изминатото деноноќие, 3 од нив имале активна забрана за управување моторно возило
-

Приведен скопјанец кој поседувал марихуана, при обид на бегство со возило удрил полициски службеник
-

Кривична пријава за 63-годишен тетовчанец, нападнал 11-годишно дете со дрвен предмет
-

Ужас во Скопје: Mажи на возраст од 47 и 62 години силувале дете помало од 15 години
-

Норвешка има „Глобален државен пензиски фонд“ вреден над 2.000 милијарди долари – теоретски по 400.000 долари по жител
