Аталанта пропушти голема шанса да го победи Јувентус

Трката за место кое носи пласман во Лигата на шампионите меѓу Јувентус и Аталанта продолжува и по меѓусебниот дуле од 25.коло во кој немаше победник. 

 

Средбата одиграна во Бергамо заврши со резултат 1-1, но домажините може да жалат што не ги освоија трите бода. 

 

Аталанта беше на праг на триумф откако Укаринецот, Малиновски од слободен удар на ефектен начин постигна гол за водство од 1-0. 

 

Јувентус се спаси од пораз во втората минута од судиското дополнение кога по корнерот од десната страна што го изведа Дибала на вистинското место се најде Данило и го израмни резултатот. 

 

Така Јувентус веќе единаесети натпревари во низа нема пораз во Серија А. 

 

Двете екипи останаа на истите позиции на табелата. Јувентус е четврти со 46 бода, два повеќе од Аталанта која е петта, но има одиграно еден натпревар помалку.