Baby boom во Прилеп: За 10 часа родени седум бебиња, за два дена вкупно 12

Во ЈЗУ Општа болница со проширена дејност „Борка Талески“ во Прилеп во изминатите два дена се случил вистински baby boom. Само во последните 10 часа на Одделението за гинекологија и акушерство на свет дошле седум новороденчиња, додека во последните два дена се родиле вкупно 12 бебиња.

Од болницата велат дека овој прекрасен бран на нов живот е потврда за посветената работа на тимовите од Одделението за гинекологија и акушерство и Одделението за неонатологија, кои со љубов, грижа и професионалност се грижат за мајките и нивните најмали.

На сите семејства им упатија честитки за најголемата животна радост, а на новороденчињата им посакаа здраво, среќно и безгрижно детство.