Без струја повеќе скопски села и општини

Без струја денеска од 8:30 до 12:30 часот ќе останат корисниците од селата Катланово и Градманци, како и корисниците од викенд населбите Месна Река и Кочкова Населба, а од 9 до 11:30 викендиците лоцирани кон манастирот Свети Илија, како и дел од корисниците од село Бањани во општина Чучер Сандево.

Како што соопшти Центарот за управување со кризи на Град Скопје без електрична енергија од 9 до 12 часот ќе останат и дел од корисниците од улиците „Лука Геров“ и „Андон Кецарков“ и од 10 до 14 часот корисниците од ул. Смолјани во општина Ѓорче Петров како, а од 11 до 12 часот, дел од корисниците од улиците „Иван Цанкар“ и „Франце Прешерн“ во општина Карпош.

МИА