Божиновска на вториот министерски самит за енергетика во Белград

Македонска делегација, предводена од министерката за енергетика, рударство и минерални суровини, Сања Божиновска, денеска ќе учествува на вториот министерски самит за енергетика во Белград.
Средбата на која со свои делегации ќе бидат и министрите за енергетика на Србија, Грција и Бугарија, е продолжение на првиот министерски самит што се одржа во Атина на 15 мај годинава, кога четирите земји се согласија дека енергетската сигурност, стабилноста и отпорноста на системите не можат веќе да се гледаат само како национални, туку и како заеднички регионални приоритети.
Белградскиот самит во фокус ги става конкретните чекори за продлабочување на регионалната енергетска соработка, за забрзување на инфраструктурните проекти и за зајакнување на сигурноста и отпорноста на енергетските системи.
Како да се усогласат капацитетите, притисоците и режимите на работа на преносните системи, како да се олесни прекуграничниот транспорт и како регионалните инфраструктурни проекти побрзо да се претворат во функционални енергетски врски, ќе бидат меѓу клучните теми на самитот.
Ќе се разговара и за сигурноста на снабдувањето со електрична енергија, состојбата и подготвеноста на преносните системи, размената на електрична енергија, развојот на обновливите капацитети и складирањето енергија, вклучително и батериски системи и пумпно-акумулациони хидроелектрани.
Министрите ќе ја разгледаат и натамошната интеграција на регионалните пазари на електрична енергија, како и можностите за заедничко справување со ризиците и предизвиците во снабдувањето.
Како што велат од македонската делегација, за нашата земја ваквата регионална координација е особено важна бидејќи истовремено се реализираат повеќе стратешки енергетски проекти – од интерконекторите со Грција и Србија, преку приклучувањето кон Вертикалниот гасен коридор, до модернизацијата на преносната мрежа и развојот на системи за складирање енергија.
Вториот министерски самит во Србија е најавен како можност договорените регионални приоритети од Атина да добијат уште поконкретни рокови, координација и чекори за реализација, со заеднички интерес за поголема енергетска сигурност, диверзификација и поврзаност на Југоисточна Европа.
Со министерката Божиновска во Белград се и директорот на Националниот оператор на пазар на електрична енергија (МЕМО), Зоран Ѓорѓиевски, заменик-генералниот директор на МЕПСО, Александар Пауноски, како и претставници на НОМАГАС.
МИА
Ново на Сител
-

Закани за скопски кошаркар: Порака го чекала на автомобилот во подземна гаража
-

Бугарија доби повик за помош од товарен брод што тоне во Црното Море
-

Кражба во Визбегово, украдени злато, пари и возило на МЕПСО
-

Скопјанец на Бит Пазар физички нападнал сосед и неговата малолетна внука, им се заканувал со остри предмети
-

По повеќечасовна потрага, пронајден планинарот кој исчезна во Мариово
-

Лукаку ја заврши репрезентативната кариера
-

20-годишна добитничка на лотарија одби еднократна исплата од 1 милион долари – избра да добива по 1.000 долари неделно до крајот на животот
-

19-годишник од Македонија уапсен во Србија, пукал и се обидел да го убиел Алибег – поранешен водач на „Гробари“
