Бублик го совлада Медведев за титулата во Хале

Казахстанецот Александар Бублик ја освои титулата на АТП турнирот во Хале, откако попладнево го совлада во финалето Русинот Данил Медведев.

Бублик до победата во два сета со 6-3, 7-6 (7/4) дојде за еден час и 22 минути и триумфираше над Медведев прв пат во нивниот седми меѓусебен дуел. Сите претходни шест меѓусебни пресметки беа на земјена подлога.

Со оваа титула, негова втора во Хале од 2023 година и вкупно петта во кариерата, ќе се искачи од 45 на 30-то место на АТП ранг-листата во понеделник, на еден недела пред почетокот на Вимблдон.

Претходно, Бублик на турнирот во Хале го совлада и светскиот рекет број еден, Италијанецот Јаник Синер.

Медведев, пак, го загуби своето шесто последователно финале, а неговата 20 и последна титула датира од Мастерс 1000 турнирот во Рим во мај 2023 година.