Бугарија доби повик за помош од товарен брод што тоне во Црното Море

Бугарските власти денеска добија повик за помош од товарен брод што тоне во нејзината ексклузивна економска зона во Црното Море, соопшти бугарското Министерство за транспорт.
На бродот што пловел под сомалиско знаме имало 12 членови на екипажот, а тој превезувал три тони растурен товар, односно пченица, од Романија до Египет.
Локацијата на членовите на екипажот во моментов е непозната, соопшти министерството.
Причината за несреќата сè уште не е утврдена, но се случила во време на зголемени тензии во Црното Море, каде што во последните недели се регистрирани бројни напади со беспилотни летала врз бродови покрај брегот на Бугарија и Романија.
Експертите ги поврзуваат овие напади со војната меѓу Русија и Украина.
Романскиот премиер Лука Никулеску вчера изјави дека беспилотни летала нападнале три трговски брода во Црното Море, во близина на романскиот Сулински канал.
Тој додаде дека романските одбранбени сили кренале борбени авиони во два наврати.
Романскиот шеф на дипломатијата, Дан Некулаеску, денеска во Брисел изјави дека Романија ќе побара од своите партнери во Европската Унија да продолжат да обезбедуваат воени капацитети и да ја зајакнат координацијата со НАТО по нападот врз трговските бродови.
„Во последните 24 часа, регистриравме четири аларми од беспилотни летала, а три брода беа погодени во текот на викендот. Ова е неприфатливо“, рече Некулаеску по пристигнувањето на редовниот месечен состанок на шефовите на дипломатиите на ЕУ во Брисел.
Тој најави дека ќе побара од своите европски колеги да продолжат да придонесуваат кон воените капацитети во Романија, како и кон подобра координација меѓу Европската Унија и НАТО во врска со безбедносната состојба во Црното Море.
МИА
Ново на Сител
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
-

„Тешко е да се биде оптимист“ - Гутереш не гледа скор крај на војната во Украина
-

Искра Хаџи Василева денеска ја презема функцијата шефица на ОЈО ГОКК
-

„Разговори за иднината во 12:05“: Нема амнестија за корумпираните политичари, незаконскиот имот мора да се одземе
-

Смртоносен пожар на туристичкиот остров Пукет, 11 загинати и 16 повредени | ВИДЕО
-

Експлозии во Ормуската Теснина: Два танкери налетале на мини, уште шест се запалиле
