Четворица пациенти починале во болница во Газа по израелски упад
Министерството за здравство во Газа денеска соопшти дека четвртиот пациент починал во болницата Насер бидејќи при вчерашниот израелски упад во тој објект било прекинато напојувањето со електрична енергија, а снабдувањето со кислород било ограничено.
Претходно, тројца пациенти починаа во текот на ноќта во таа здравствена установа во Кан Јунис, пренесува Ал Џезира.
Портпаролот на палестинското Министерство за здравство во Газа, Ашраф ал-Кидра, вчера изјави дека Израел извршил „масовен упад“ во болницата Насер, по што следеле истрели, во кои се ранети неколку раселени лица кои се засолниле таму.
Тој рече дека армијата им наредила на лекарите да ги преместат сите пациенти во постара зграда која не е соодветно опремена за лекување, пишува Тајмс оф Израел.
Израелските одбранбени сили (ИДФ) претходно соопштија дека имаат „веродостојни разузнавачки информации“ дека Хамас држел заложници во болницата и се сомневаат дека уште некои се внатре.
Израел го обвинува Хамас дека користи болници и други цивилни структури за да ги заштити своите борци, додека Хамас тоа го негира.
Ново на Сител
-
СДСМ: Младите спасот го гледаат надвор
-
Формално образование и за децата кои се на подолго болничко лекување – повеќе нема да губат настава
-
364 лица во 13 градови во државата се обучуваат да станат пожарникари
-
Преглед на вестите од светот
-
Од септември во образовниот процес ќе бидат вклучени и децата со онколошки заболувања
-
Во тек е постапката за убиството со стаклено шише во Психијатриската болница во Бардовци
-
Буково го труе Охрид и во лето
-
Преглед на вестите од светот