Чупиќ: Јас сум виновен за поразот

Ракометарите на македонскиот првак Вардар претрпеа нов трет пораз во групата од Лигата на шампионите откако синоќа на домашен терен загубија од полска екипа Висла со 26:32. Претходно „вардарци“ беа поразени од Мелсунген и Нант.
-Лошо го отворивме натпреварот, пред сè напаѓачки знаевме дека ќе ни биде тешко. Моја грешка беше што отворивме со човек повеќе и примивме неколку лесни голови без голман. Сакав да изненадам со таа игра, да ги искористиме неколкуте напади додека не се адаптираат, ама не успеавме. Испадна целосно различно од моите очекувања и тука ни побегна натпреварот. Иако во завршницата малку се вративме, на крајот Висла заслужено победи на оваа средба. Висла покажа дека денес е подобар тим, но за шест дена е нов натпревар. Никој не може да гарантира дека нема да бидеме подобри. Нема да му дозволам на тимот да се опушти и да смета дека нема за што да играме, изјави тренерот на Вардар, Иван Чупиќ на прес конференцијата.
Следниот натпревар Вардар го игра на гости во Полска против Висла на 14.октомври (среда).
МИА
Ново на Сител
-

Златар од Тетово шверцувал накит вреден четири милиони денари во перница за врат на Богородица | ВИДЕО
-

Клековски го посети болнички комплекс „Мајчин дом“ - најголемата клиника по неонатологија во Бугарија
-

Средба на министерот Клековски со повредени од пожарот во „Пулс“
-

Францускиот министер за внатрешни работи вети повеќе полиција на улиците низ градовите
-

Во Атина се очекуваат протести на студенти и на ученици
-

Мицкоски: Од денес достапни за граѓаните, почнува набавката на нови амбулантни возила за македонското здравство
-

Анри домаќин на доделувањето на „Златната топка“
-

Сончево со мала локална облачност
