ЦУК: Активни три пожари во земјава

Денеска до 13 часот регистрирани се вкупно седум пожари на отворен простор, од кои активни се 3 пожари, под контрола се 2, а 2 пожара се изгаснати, информира Центарот за управување со кризи (ЦУК). 

- Активни пожари: Општина Штип - с. Лакавица (ниска вегетација); Општина Македонски Брод - место викано Видуш, во близина на с. Драгов Дол (сува трева, нискостеблеста шума и грмушки); Општина Неготино - воениот полигон Криволак (ниска вегетација), информира ЦУК.

Како што додава ЦУК, под контрола се пожарите - во Општина Крива Паланка – на излез од Крива Паланка (депонија); Општина Делчево – градска депонија (депонија), а изгаснати се пожарите во Општина Новаци - на патот пред РЕК Битола (ниска вегетација); Општина Велес – м.в. Кулата (нискостеблеста поретка шума и сува трева). 

МИА