ЦУК: Еден крак од пожарот помеѓу селата Блаце и Чучер е изгаснат
Во општина Чучер Сандево, помеѓу селата Блаце и Чучер, каде гори мешана шума и ниска вегетација, екипите за гаснење се сè уште на терен и активно интервенираат. Еден крак од пожарот е пресечен и изгаснат, но останува уште еден активен крак кој се шири кон сосема непристапен ридско-планински терен, објавија од Центарот за управување со кризи.
-Интервенцијата е отежната бидејќи пожарот зафатил голема површина. Се вложуваат максимални напори за да се стави ситуацијата под контрола, стои во објавата на ФБ од ЦУК.
Во пожарот помеѓу село Блаце и село Чучер зафатена е мешана шума и ниска вегетација. За негово гаснење од утрово во пет часот ангажирани се два полициски хеликоптера, еден армиски хеликоптер, како и три возила на Дирекцијата за заштита и спасување - еден хермелин со цистерна, еден пинцгауер на и едно теренско возило „амарок", дејствуваат како поддршка на скопската БППЗ (Бригада за противпожарна заштита Скопје) која со повеќе пожарникари и возила го гаси големиот пожар на отворен простор на територијата на општина Чучер Сандево над магистралниот пат Скопје - Блаце, кој изби вчера во попладневните часови.
Како што изјави утрово директорот на ДЗС Стојанче Ангелов, најверојатна причина за пожарот во оштина Чучер Сандево е фрлен отпушок од цигара од возило во движење или намерно потпалување.
-Од мое непосредно забележување можам да кажам дека овој пожар изби непосредно до магистралниот пат кон Блаце и можна причина е фрлен отпушок од цигара од возило во движење или намерно потпалување. Затоа, апелираме до граѓаните да се однесуваат совесно и никогаш да не фрлаат отпушоци од цигари надвор од возило, дури и тогаш кога се убедени дека се изгаснати, апелира Ангелов.
Ново на Сител
-
Приведен газдата на депонијата во Визбегово, еден пожарникар повреден при интервенцијата
-
„Ер трактор“ вклучен во гаснењето на пожарот кај Визбегово
-
Лишен од слобода возач во Демир Хисар со 1.58 промили алкохол во крвта
-
Полицискиот хеликоптер утринава фрли 30 тони вода врз пожарот во Дојран
-
Можно евакуирање на населението во реонот на пожарот во Визбегово
-
Латинопули: „Јас сум вистинска Македонка, а не лажна како тие во Скопје!“
-
Словенечката пратеничка Ирена Јовева во ЕП до бугарските колеги: За да постои, на македонскиот народ не му треба ваша дозвола!
-
Вчера пронајдени 24 мигранти, уапсени двајца криумчари од Сирија